10.05.2024 | 20:00
Երևանի փողոցներում կատարվողը Կարսի պայմանագրի պայմանների կրկնության դեմ պայքար է․ Անդրիաս Ղուկասյան․ ՏԵՍԱՆՅՈՒԹ
Պուտինն Ադրբեջանի հետ հարաբերությունների նոր փուլ է ազդարարում
Քաղաքականություն
22.02.2022 | 16:51
ՌԴ նախագահ Վլադիմիր Պուտինը Ադրբեջանի ղեկավար Իլհամ Ալիևի հետ հանդիպման ժամանակ հայտարարել է, որ փետրվարի 22-ին Ադրբեջանի հետ դաշնակցային համագործակցության մասին հռչակագիր կստորագրվի, հայտնում է Կրեմլի մամուլի ծառայությունը։
«Եվ այսօր մենք կստորագրենք դաշնակցային փոխգործակցության մասին հռչակագիրը։ Սա, միանգամայն ակնհայտորեն, նոր փուլ է մեր հարաբերությունների զարգացման մեջ, և, իհարկե, դա հնարավոր դարձավ թեև ոչ ամբողջությամբ լուծված, սակայն առաջընթաց արձանագրած ղարաբաղյան կարգավորման շնորհիվ», – ասել է Պուտինը։
Հիշեցնենք՝ Ադրբեջանի նախագահը փետրվարի 21-ին պաշտոնական այցով ժամանել է Ռուսաստան։ Կրեմլից հայտնել են, որ երկու երկրների ղեկավարները նախատեսում են ստորագրել դաշնակցային համագործակցության մասին հռչակագիր, քննարկել տնտեսական և քաղաքական համագործակցության հարցերը և Երևանի, Բաքվի և Մոսկվայի միջև Լեռնային Ղարաբաղի վերաբերյալ պայմանավորվածությունների կատարման ընթացքը։
Տաթև Ֆռանգյան
