18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Գերմանիան սառեցրել է «Հյուսիսային հոսք 2»-ի գործարկումը․ Օլաֆ Շոլց
Քաղաքականություն
22.02.2022 | 18:42
«Հյուսիսային հոսք 2» գազատարի շահագործման հանձնումը կսառեցվի։ Այս մասին այսօր Բեռլինում հայտարարել է Գերմանիայի կանցլեր Օլաֆ Շոլցը, գրում է DW-ի ռուսական ծառայությունը։
Գերմանիայի կառավարության ղեկավարը նշել է, որ Տնտեսական հարցերի և կլիմայի պաշտպանության նախարարությանը խնդրել է հետ կանչել մատակարարման անվտանգության վերլուծության զեկույցը, որը պատրաստվել է Բոննի դաշնային ցանցային գործակալության (Bundesnetzagentur, BNetzA) կողմից:
«Տեխնիկական է հնչում, բայց դա վարչական օրենսդրությանը համապատասխան անհրաժեշտ քայլ է, որպեսզի գազատարը հետագա սերտիֆիկացում չանցնի»,- ասել է նա։
Առանց այս հավաստագրման՝ «Հյուսիսային հոսք 2»-ը չի կարող շահագործման հանձնվել:
Գերմանիայի Էկոնոմիկայի նախարարության պրոֆիլային վարչությունը մատակարարման անվտանգության նոր գնահատական կտա՝ հաշվի առնելով «վերջին մի քանի օրվա փոփոխությունները», պարզաբանել է կանցլերը։
«Այս փուլում կարևոր է, բացի նախնական պատժամիջոցներից, կանխել հետագա էսկալացիան և, հետևաբար, մեկ այլ աղետ: Մեր բոլոր դիվանագիտական ջանքերն ուղղված են դրան»,- ասել է Շոլցը։
Տաթև Ֆռանգյան
