16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Լուգանսկի ու Դոնեցկի անկախության ճանաչումը հակասում է Մինսկի պայմանավորվածություններին. ԵԱՀԿ
Քաղաքականություն
22.02.2022 | 10:04
Ռուսաստանի նախագահ Վլադիմիր Պուտինի՝ Լուգանսկի ու Դոնեցկի անջատական մարզերի անկախությունը ճանաչելու որոշումը հակասում է Մինսկի պայմանավորվածություններին․ հայտարարել է Ուկրաինայում ԵԱՀԿ գործող նախագահի հատուկ ներկայացուցիչ և Դոնբասի հակամարտության կարգավորման կոնտակտային խմբում դեսպան Միկկո Կիննունենը՝ հայտնելով իր «խորը ափսոսանքը» այս որոշման համար, գրում է DW-ի ռուսական ծառայությունը։
Նրա խոսքով, «ինչպես ԵԱՀԿ բոլոր մասնակից պետությունները, այնպես էլ Ռուսաստանը պարտավոր են հարգել այլ երկրների, այդ թվում՝ Ուկրաինայի ինքնիշխանությունն ու տարածքային ամբողջականությունը»։ «Չափազանց կարևոր է, որ այսօրվա որոշումը չհանգեցնի նոր ռազմական գործողությունների և արյունահեղության»,- ընդգծել է Կիննունենը՝ նշելով, որ «դիվանագիտությունն ու բանակցություններն այլընտրանք չունեն»։
Մի քանի ժամ առաջ հրապարակվել էր ԵԱՀԿ հատուկ դիտորդական առաքելության հերթական զեկույցը, որում նշվում էր, որ փետրվարի 18-ի երեկոյան մինչև փետրվարի 20-ն ընկած ժամանակահատվածում դիտորդներն արձանագրել են հրադադարի ավելի քան երեք հազար խախտում արևելյան Ուկրաինայում։
Տաթև Ֆռանգյան
