18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ալիևը պաշտոնական այցով Մոսկվա է ժամանել
Քաղաքականություն
21.02.2022 | 18:50
Ադրբեջանի նախագահ Իլհամ Ալիևը կնոջ՝ Մեհրիբան Ալիևայի հետ, ՌԴ նախագահ Վլադիմիր Պուտինի հրավերով, պաշտոնական այցով ժամանել է Մոսկվա։ Այս մասին հաղորդում են ադրբեջանական լրատվամիջոցները՝ վկայակոչելով նախագահի աշխատակազմի մամուլի ծառայությանը։
Նշվում է, որ «Վնուկովո 2» միջազգային օդանավակայանում ծածանվել են երկու երկրների պետական դրոշները, կանգնած է եղել պատվո պահակախումբը, իսկ Ալիևին ու կնոջը օդանավակայանում դիմավորել է ՌԴ ԱԳ փոխնախարար Անդրեյ Ռուդենկոն։
Վաղը տեղի են ունենալու Ռուսաստանի և Ադրբեջանի նախագահների բանակցությունները։
Հիշեցնենք՝ ավելի վաղ Կրեմլի մամուլի ծառայությունը հայտնել էր, որ բանակցությունների արդյունքներով դաշնակցային համագործակցության մասին հռչակագիր կստորագրվի, որը «Ռուսաստանի և Ադրբեջանի միջև հարաբերությունները կհասցնի դաշնակցային մակարդակի»։
Էմմա Չոբանյան
