29.03.2026 | 22:16
Հրդեհ ավտոմեքենայում․ տուժածներ չկան
«Հայկական կողմը վերջին իրադարձություններից դասեր չի քաղել»․ Բաքուն դատապարտել է ՀՀ ԱԳՆ հայտարարությունը Արցախի Վերածննդի օրվա առթիվ
Քաղաքականություն
21.02.2022 | 17:00
Ադրբեջանի ԱԳՆ-ն դատապարտել է ՀՀ ԱԳ նախարարության՝ Արցախի Վերածննդի օրվա առթիվ նախօրեի հայտարարությունը։ Այս մասին հայտնում են ադրբեջանական լրատվամիջոցները։
«Խոստորեն դատապարտում ենք ՀՀ ԱԳՆ հայտարարությունը՝ ի պաշտպանություն 1988 թվականի փետրվարի 20-ի անօրինական որոշման, որը նշանավորեց Ադրբեջանական ԽՍՀ Լեռնային Ղարաբաղի ինքնավար մարզի (ԼՂՀ) արմատական հայերի անջատողականության մեկնարկը։ Ագրեսիվ անջատողականությունը, որը ՀՀ ԱԳՆ-ն անվանում է վերածնունդ, հանգեցրել է երկարաժամկետ աղետի տարածաշրջանում։ Այս իրավիճակը երկար տարիներ լրջորեն խոչընդոտել է տարածաշրջանի զարգացմանը՝ խաղաղության և անվտանգության պայմաններում»,-ասվում է հայտարարություն մեջ։
Բաքուն նաև նշել է, որ Հայաստանի և Ադրբեջանի միջև հարաբերություների կարգավորման փորձի ֆոնին, ՀՀ ԱԳՆ հայտարարությունը, որը, իբր, ազգամիջյան ատելություն է սերմանում, մի կողմից վկայում է «Հայաստանի անպատասխանատվության», մյուս կողմից էլ՝ այն մասին, որ «հայկական կողմը դեռ դասեր չի քաղել վերջին իրադարձություններից»։
«Հայաստանի ԱԳՆ-ի ուշադրությանն ենք ներկայացնում, որ նման ապակառուցողական մոտեցումն ապագա չունի»,- ասվում է Ադրբեջանի ԱԳՆ հայտարարության մեջ։
Էմմա Չոբանյան
