08.06.2026 | 21:33
Բաքվի դատախազը պահանջել է Toplum TV-ի լրագրողներին դատապարտել 13-16 տարվա ազատազրկման
Լավրովն Անթալիայում կհանդիպի Չավուշօղլուի հետ
Քաղաքականություն
21.02.2022 | 15:24
ՌԴ ԱԳ նախարար Սերգեյ Լավրովն Անթալիայում կհանդիպի Թուրքիայի ԱԳ նախարար Մևլութ Չավուշօղլուի հետ, ինչպես նաև կմասնակցի Սիրիայի հարցով Աստանայի գործընթացի երկրների (ՌԴ, Իրան, Թուրքիա) եռակողմ հանդիպմանը։ Այս մասին հայտնել է ՌԴ նախագահի Մերձավոր Արևելքի և Աֆրիկայի հարցերով հատուկ ներկայացուցիչ, ԱԳ փոխնախարար Միխայիլ Բոգդանովը «Վալդայ» ակումբի մերձավորարևելյան XI համաժողովի բացմանը, գրում է ՏԱՍՍ-ը։
«Անթալիայում տեղի կունենա մեր նախարարի մասնակցությամբ երկկողմ հանդիպում և Աստանայի գործընթացի երաշխավոր երկրների արտգործնախարարների եռակողմ հանդիպում»,- ասել է նա։
Բոգդանովը նաև նշել է, որ ՌԴ-ն և Թուրքիան նաև երկխոսություն են վարում զինվորականների գծով։
«Մեր ղեկավարությունը Հմեյմիմ բազայում ունի շատ արդյունավետ շփումներ թուրք զինվորականների հետ»,- ասել է ՌԴ ԱԳ փոխնախարարը։
Ավելի վաղ Թուրքիայի ԱԳՆ աղբյուրը հայտնել էր, որ Չավուշօղլուի հետ հեռախոսազրույցում Լավրովը հաստատել է իր մասնակցությունը մարտի 11-13-ն Անթալիայում կայանալիք դիվանագիտական ֆորումին, ինչպես նաև Աստանայի ձևաչափով հանդիպման անցկացումը։
Էմմա Չոբանյան
