05.07.2026 | 20:00
Վերջին շրջանում բախվել եմ մեծ ծավալի ատելության խոսքի, տարանջատումն ավելի է խորացել․ արցախցի բլոգեր․ ՏԵՍԱՆՅՈւԹ
Իրական մտավորականությունն այսօր փողոցներում է՝ դա երիտասարդությունն է․ Վահան Արծրունի. ՏԵՍԱՆՅՈՒԹ
Քաղաքականություն
19.04.2018 | 17:44
«Մենք առնչվում ենք քաղաքական նոր կուլտուրայի հետ, սա հասարակական հարաբերությունների նոր տեսակ է, որը ես կանվանեի ցիվիլ տեսակ, իր բնույթով խիստ սահմանադրական»,-նման տեսակետ է հայտնում երգիչ, երգահան Վահան Արծրունին Factor.am-ի հետ զրույցում՝ անդրադառնալով Սերժ Սարգսյանի դեմ Նիկոլ Փաշինյանի առաջնորդած ընդդիմադիր շարժմանը։
Նրա համոզմամբ՝ մտավորականությունը հաստատվում է որպես այդպիսին՝ արձագանքելով հանրությանը հուզող հարցերին․ «Իրական մտավորականությունն այսօր փողոցներում է, դա երիտասարդությունն է։ Այլևս չպետք է հետ նայենք, անդրադառնանք այն շերտին, որը ձևավորվել է սովետական շրջանում, այլ պետք է նայենք առաջ և հանրության մեջ տեսնենք նոր որակներ, որոնց կրիչը երիտասարդությունն է»։
Երգահանը շեշտում է՝ սա հանրությանը կրթող, ժողովրդավարական իդեաների հաստատմանը տանող շարժում է, նոր կրթություն՝ նաև իշխանության համար, դրա հետ նա պետք է համակերպվի․ «Սերժ Սարգսյանը պարտավոր էր սպասել նման զարգացումների, քանի որ առաջինը նա պետք է ապահովի քաղաքական դիալոգ, ժողովրդավարական միջավայր, նա պետք է երաշխավորի ժողովրդավարական պրոցես, որի գերնպատակը մարդկանց կյանքի որակը բարձրացնելը կլինի։ Հայաստանի քաղաքացին արժանի է երջանիկ ապրելու քաղաքակիրթ երկրում»։
Աննա Բաբաջանյան
