09.02.2026 | 19:28
Վենսն ու Փաշինյանը ստորագրեցին միջուկային էներգիայի խաղաղ օգտագործման շուրջ համատեղ հայտարարություն. ՏԵՍԱՆՅՈՒԹ
Մակրոնն ու Զելենսկին աջակցում են եռակողմ կոնտակտային խմբի գումարմանը
Քաղաքականություն
20.02.2022 | 19:16
Ուկրաինայի նախագահ Վլադիմիր Զելենսկին և Ֆրանսիայի նախագահ Էմանուել Մակրոնը բանակցություններ են վարել Դոնբասում սրված իրավիճակի ֆոնին: Այս մասին Զելենսկին հայտնել է Twitter-ում փետրվարի 20-ին։
«Որպես երեկվա զրույցի շարունակություն՝ Էմանուել Մակրոնին տեղեկացրել եմ անվտանգության ընթացիկ իրավիճակի և նոր սադրիչ գնդակոծությունների մասին։ Մենք կողմ ենք խաղաղ գործընթացի ակտիվացմանը։ Աջակցում ենք եռակողմ կոնտակտային խմբի գումարմանը և լռության ռեժիմի անհապաղ ներդրմանը»,- գրել է Զելենսկին։
Վերջին օրերին Դոնբասում իրավիճակը սրվել է , ինքնահռչակ Դոնեցկի և Լուգանսկի ժողովրդական հանրապետությունները հայտարարել են ուկրաինացի ուժայինների կողմից տասնյակ գնդակոծությունների մասին: ԴԺՀ-ի և ԼԺՀ-ի ղեկավարությունը հայտնել է Ռոստովի մարզ քաղաքացիների ժամանակավոր տարհանման մասին՝ կապված Ուկրաինայի ներխուժման սպառնալիքի հետ: Առաջին հերթին այն վերաբերում է կանանց, երեխաներին և տարեցներին։
