28.04.2026 | 16:59
Մոսկվայի հյուսիսում կառուցվող շենքում հրդեհ է բռնկվել. յոթ մարդ զոհվել է
Կաշխատե՞ն, թե կշարունակեն «թիթեռ նկարել». ՏԵՍԱՆՅՈՒԹ
Քաղաքականություն
19.04.2018 | 16:09
Հայաստանում մեկնարկել է նոր կառավարության ձևավորման գործընթացը: Նոր կառավարության կառուցվածքից միայն հայտնի է, որ ներկայիս 18-ի փոխարեն ունենալու է 17 նախարարություն: Նախարարներից մի քանիսն արդեն վերանշանակվել են:
Թեև կառավարությունն ու պատգամավորներն ավելորդ համարեցին Վաչե Գաբրիելյանի ղեկավարած՝ միջազգային տնտեսական ինտեգրման և բարեփոխումների նախարարությունը և հանեցին կառավարական ցանկից, սակայն շատերը կպնդեն, որ կարելի է աչքերը փակել և պատահականության սկզբունքով որևէ նախարարություն կրճատել: Դրանով ոչինչ չէր փոխվի այս կառավարման համակարգի պայմաններում: Հայաստանի կառավարությունը շարժվում է ոչ թե հստակ վերլուծությամբ, թե Հայաստանում կառավարման քանի մարմին է պետք, այլ՝ քաղաքական նպատակահարմարությամբ:
Մեկ այլ խնդիր է այն, որ նախարարություններն առանձնացվում են, միացվում, պետական հիմնարկներ են փակվում ու բացվում՝ առանց լուրջ հիմնավորումների:
Տեսանյութը կառավարության կառուցվածքային փոփոխությունների, վերջին տարիներին կատարվող անվանափոխությունների, միացում-անջատումների և դրանցից բխող նոր ծախսերի ու ժամանակի կորստի մասին է:
Սեւակ Հակոբյան
