17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Դեսպան Վաղարշակ Հարությունյանն իր հավատարմագրերի պատճեներն է հանձնել ՌԴ ԱԳ նախարարի տեղակալին
Քաղաքականություն
18.02.2022 | 16:22
Ռուսաստանի Դաշնությունում ՀՀ արտակարգ և լիազոր դեսպան Վաղարշակ Հարությունյանը փետրվարի 18-ին իր հավատարմագրերի պատճեներն է հանձնել ՌԴ ԱԳ նախարարի տեղակալ Անդրեյ Ռուդենկոյին. հայտնում են ՌԴ-ում ՀՀ դեսպանությունից:
Անդրեյ Ռուդենկոն, շնորհավորելով Հարությունյանին Ռուսաստանում դիվանագիտական առաքելության մեկնարկի առթիվ, հաջողություն է մաղթել պատասխանատու պաշտոնում և հայ-ռուսական հարաբերությունների հետագա ամրապնդմանն ուղղված համատեղ արդյունավետ աշխատանքի իրականացման հույս հայտնել:
Զրույցի ընթացքում քննարկվել են երկու պետությունների միջև փոխգործակցությանն առնչվող հարցեր։ Մասնավորապես, կողմերն անդրադարձել են երկու երկրների միջև համագործակցությանը ռազմաքաղաքական, տնտեսական և հումանիտար բնագավառներում։
Տեղի է ունեցել նաև մտքերի փոխանակում Հարավային Կովկասում խաղաղության և անվտանգության ամրապնդմանն առնչվող կենսական հարցերի շուրջ:
