16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
ՌԴ-ն վաղը բալիստիկ հրթիռների արձակմամբ միջուկային զորավարժություններ կանցկացնի․ դրանք կգլխավորի Պուտինը
Քաղաքականություն
18.02.2022 | 16:49
Ռուսաստանում փետրվարի 19-ին, նախագահ Վլադիմիր Պուտինի գլխավորությամբ, կանցկացվի «ռազմավարական զսպման ուժերի պլանային զորավարժություն»։ Այս մասին հայտնել է ՌԴ Պաշտպանության նախարարությունը, գրում է DW-ի ռուսական ծառայությունը։
Այս զորավարժությունների ընթացքում «կարձակվեն բալիստիկ և թևավոր հրթիռներ»։
«Զորավարժություններին ներգրավված են օդատիեզերական ուժերի, Հարավային ռազմական օկրուգի, Ռազմավարական հրթիռային ուժերի, Հյուսիսային և Սևծովյան նավատորմի ուժերն ու միջոցները»,- ասվում է հաղորդագրության մեջ։
Պուտինը զորավարժությունների ընթացքում գտնվելու է ՌԴ Պաշտպանության նախարարության իրավիճակային կենտրոնում։
«Նման զորավարժությունների մեկնարկն անհնար է առանց պետության ղեկավարի: Դուք գիտեք հայտնի «սև ճամպրուկի», «կարմիր կոճակի» և նման բաների մասին»,- լրագրողներին պարզաբանել է Կրեմլի խոսնակ Դմիտրի Պեսկովը։
Նա չի բացառել, որ Ռուսաստանի նախագահի հետ միասին զորավարժություններին կհետևի այցով Մոսկվա ժամանած Բելառուսի նախագահ Ալեքսանդր Լուկաշենկոն։
ՌԴ ՊՆ-ն ընդգծել է, որ զորավարժությունը «նախապես պլանավորվել է ռազմական պատրաստության մարմինների, մարտական հաշվարկների, ռազմանավերի անձնակազմերի ու ռազմավարական հրթիռակիրների՝ իրենց առջև դրված խնդիրները կատարելու ստուգումն իրականացնելու, ինչպես նաև միջուկային ու ոչ միջուկային ուժերի հուսալիությունը ստուգելու համար»։
Տաթև Ֆռանգյան
