17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Ջո Բայդենն ուկրաինական ճգնաժամը կքննարկի ԱՄՆ դաշնակիցների հետ
Քաղաքականություն
18.02.2022 | 15:23
Ուկրաինայի շուրջ ճգնաժամի աճող լարվածության ֆոնին ԱՄՆ նախագահ Ջո Բայդենը մտադիր է դաշնակիցների հետ քննարկել հետագա համատեղ քայլերը։ Փետրվարի 18-ին կայանալիք հեռախոսազրույցների թեմաներից են Ուկրաինայի հետ սահմանին ռուսական զորքերի կուտակումը և հետագա դիվանագիտական ջանքերը, ասվում է Սպիտակ տան հայտարարության մեջ, փոխանցում է DW-ի ռուսական ծառայությունը։
Բացի Կանադայի վարչապետ Ջասթին Թրյուդոյից՝ զրույցին կմասնակցեն Ֆրանսիայի, Գերմանիայի, Իտալիայի, Լեհաստանի, Ռումինիայի և Միացյալ Թագավորության ղեկավարները, ինչպես նաև Եվրամիության և ՆԱՏՕ-ի ներկայացուցիչները: Այս մասին հայտնել է Կանադայի կառավարության ղեկավարի գրասենյակը:
Հաջորդ շաբաթվա վերջին ԱՄՆ պետքարտուղար Էնթոնի Բլինքենը ծրագրում է հանդիպել Ռուսաստանի արտգործնախարար Սերգեյ Լավրովի հետ, եթե «Ռուսաստանի կողմից Ուկրաինա ներխուժում» չլինի, ասել է Պետքարտուղարության խոսնակ Նեդ Փրայսը։
Նրա խոսքով՝ ԱՄՆ-ն առաջարկել է անցկացնել այս հանդիպումը, քանի որ կարծում է, որ «այս ճգնաժամը լուծելու միակ ճանապարհը դիվանագիտությունն ու երկխոսությունն է»։
Տաթև Ֆռանգյան
