07.11.2024 | 12:45
100 հազար չսովորող ու չաշխատող երիտասարդներ ունենք՝ 18-29 տարեկան. Նարեկ Մկրտչյան․ ՏԵՍԱՆՅՈՒԹ
Հունաստանի ԱԳ նախարարը՝ Էրդողանին․ Անկարայի մեկնաբանությունները հարցեր են առաջացնում ՆԱՏՕ-ի նկատմամբ նրա պարտավորությունների շուրջ
Քաղաքականություն
17.02.2022 | 20:03
Հունաստանի ԱԳ նախարար Նիկոս Դենդիասը պատասխանել է թուրք պաշտոնյաների, այդ թվում՝ նախագահ Ռեջեփ Թայիփ Էրդողանի վերջին հայտարարություններին՝ կապված Էգեյան ծովում լարվածությունը սրած հունական կղզիների կարգավիճակի հետ։ Այս մասին գրում է «Ահվալ» գործակալությունը։
«Ես ցավում եմ, որ Թուրքիան որոշել է պահպանել իր դիրքորոշումը։ Այն ժամանակ, երբ ՆԱՏՕ-ն ամենաշատն է դրսևորում իր միասնությունը՝ պաշտպանելու Ուկրաինայի տարածքային ամբողջականությունը, Թուրքիան որոշել է սպառնալ Հունաստանին և հարցականի տակ դնել իր ներկայությունն ու պարտավորությունները ՆԱՏՕ-ի ու ՄԱԿ-ի Մարդու իրավունքների համընդհանուր հռչակագրի նկատմամբ»,- ասել է Դենդիասը։
Նշենք, որ նախօրեին Էրդողանը հայտարարել էր, թե Թուրքիան պատրաստ է «ամենաբարձր մակարդակով նախազգուշացում» անել, եթե Հունաստանը չփոխի իր դիրքորոշումը Էգեյան ծովի կղզիների ապառազմականացման վերաբերյալ։
Էմմա Չոբանյան
