19.12.2025 | 11:44
Հայաստանը եղել և մնում է ՀԱՊԿ դաշնակիցը. Տասմագամբետով
Քոչարյանը խուսափեց ասել՝ Արցախը երբեք չի լինելու Ադրբեջանի կազմում. չի կարող երաշխավորել․ ՏԵՍԱՆՅՈՒԹ
Քաղաքականություն
17.02.2022 | 13:52
Սերժ Սարգսյանը հայտարարում է, որ Արցախը չի լինելու Ադրբեջանի կազմում, Ձեզանից չենք լսել այդպիսի հայտարարություն: Այսօր հրավիրված ասուլիսում անդրադառնալով այս դիտարկմանը՝ ՀՀ երկրորդ նախագահ Ռոբերտ Քոչարյանը նշեց. «Ինձանից չե՞ք լսել, հիմա ասե՞մ»:
«Մադրիդյան սկզբունքները դուք կարդացե՞լ եք, Քիվեսթի սկզբունքները և պայմանագիրը ծանո՞թ են ձեզ, լավագույն փաստաթղթերն են, հետո մադրիդյան սկզբունքները, որոշակի ձևափոխմամբ, դարձան կազանյան փաստաթղթեր:
Ես երբեք չեմ բանակցել որևէ տարբերակ, որով կարող էր Ղարաբաղը լինել Ադրբեջանի կազմում: Ես չեմ տեսնում Ղարաբաղի ապագան Ադրբեջանի կազմում ընդհանրապես, եթե այդպիսի լուծում լինի, համոզված եմ, Ղարաբաղը հայաթափվելու է:
Մեր արգումենտներից մեկը եղել է հետևյալը՝ Սումգայիթյան դեպքերը ցույց տվեցին, որ Ադրբեջանի կազմում հայերը չեն կարող գոյատևել, դա սպառնալիք է իրենց գոյությանը և կյանքին: 44-օրյա պատերազմը վերահաստատեց դա՝ ավելի մեծ ծավալով, ավելի մեծ մասշտաբով:
Եվ եթե այս իշխանությունը համաձայնվի տարածքային ամբողջականության տարբերակին, Ղարաբաղում հայ չի մնա շատ կարճ ժամանակահատվածում: Իհարկե պետք է ամեն ինչ անել բացառելու համար այդ տարբերակը:
Ես ինչու չեմ ասում՝ Ղարաբաղը չի լինելու Ադրբեջանի կազմում, որովհետև հիմա ես չեմ դա որոշողը:
Չպետք է լինի երբեք, և հայ ժողովուրդը երբեք չպետք է համաձայնվի դրա հետ, և մենք պետք է պայքարենք, որ դա չլինի, բայց ես չեմ կարող այս իշխանության տեղը խոսել, որովհետև իրենք արդեն ընդունել են, որ Ղարաբաղը պետք է լինի Ադրբեջանի կազմում»:
Մանրամասները՝ տեսանյութում:
