29.07.2026 | 11:39
Թրամփը հայտարարել է, որ Զելենսկիի հետ հանդիպումը «շատ լավ» է անցել
Գերմանիայում փոթորիկը կաթվածահար է արել երկաթուղային հաղորդակցությունը
Քաղաքականություն
17.02.2022 | 20:43
Գիշերը Գերմանիայի հյուսիսային և արևմտյան շրջաններ թափանցած «Իլենիա» հզոր փոթորիկը կաթվածահար է արել երկրում երկաթուղային տրանսպորտի շարժը։ Յոթ դաշնային նահանգներում՝ Ներքին Սաքսոնիայում, Բրեմենում, Համբուրգում, Շլեզվիգ-Հոլշտայնում, Մեկլենբուրգ-Արևմտյան Պոմերանիայում, Բեռլինում և Բրանդենբուրգում միջքաղաքային գնացքների շարժը դադարեցվել է, գրում է DW-ի ռուսական ծառայությունը։
Փոթորիկը մեծապես ազդել է նաև տարածաշրջանային երկաթուղային հաղորդակցության վրա: Գրեթե ամենուր գնացքների մեկնումը չեղարկվում կամ հետաձգվում է։ Համբուրգի հարավում գնացքների երթևեկությունն ամբողջությամբ դադարեցվել է։ Deutsche Bahn երկաթուղային կոնցեռնը չի բացառում, որ առաջիկա օրերին երթևեկության խափանումները կշարունակվեն։
Գերմանիայի ամենաբնակեցված դաշնային նահանգում՝ Հյուսիսային Ռեյն-Վեստֆալիայում, բոլոր դպրոցները փակվել են՝ որպես նախազգուշական միջոց: Երկրի կառավարությունը հորդորել է ծնողներին, եթե հնարավոր է, երեխաներին նաև մանկապարտեզ չտանել: Բրեմեն նահանգի դպրոցներն անցել են հեռավար ուսուցման, դպրոցները փակ են նաև Ներքին Սաքսոնիայի որոշ շրջաններում։ Մի շարք այլ շրջաններում իշխանությունները թույլ են տվել ծնողներին ինքնուրույն որոշել՝ իրենց երեխաներին դպրոց ուղարկե՞լ, թե՞ ոչ։
Տաթև Ֆռանգյան
