07.11.2024 | 10:30
Նավթի գներն աճել են
Բրազիլիայում հորդառատ անձրևներն առնվազն 104 մարդու կյանք են խլել․ կան անհետ կորածներ
Քաղաքականություն
17.02.2022 | 14:15
Բրազիլիայում հորդառատ անձրևների հետևանքով զոհվել է առնվազն 104 մարդ, այդ թվում՝ ութ երեխա, հայտնում են տեղական լրատվամիջոցները։
Բրազիլական Globo-ի փոխանցմամբ՝ տարերքի հիմնական ազդեցությունը բաժին է ընկել Ռիո դե Ժանեյրո նահանգի Պետրոպոլիս քաղաքին։ Նահանգապետ Կլաուդիո Կաստրոն ասել է, որ 1932 թվականից ի վեր նման հորդառատ անձրևներ չեն եղել: Նրա խոսքով՝ երկու ժամում 24 սմ անձրև է տեղացել։
Անհայտ կորածների թիվը մնում է անհայտ, իշխանությունները նախկինում հայտարարել էին, որ փնտրում են առնվազն 35 մարդու: Որոնողական աշխատանքներում ներգրավված է շուրջ 400 հրշեջ-փրկարար։
Հորդառատ անձրևները սողանքներ ու ջրհեղեղներ են առաջացրել, բազմաթիվ տներ հիմնովին ավերվել են։ Ավելի քան 370 մարդ ապաստանել է ժամանակավոր կացարաններում։
Բրազիլիայի նախագահ Ժաիր Բոլսոնարոն, որը նախօրեին այցով գտնվում էր Մոսկվայում, իսկ այսօր մեկնել է Հունգարիա, հրահանգել է օգնություն ցուցաբերել տուժածներին, ինչպես նաև աղետի հետևանքների վերացման գործում ներգրավել զինվորականներին։ Երկրի ղեկավարը մտադիր է ուրբաթ այցելել տուժած տարածքներ։
