09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Աշխարհում COVID-ը 4%-ով ավելի շատ մարդկանց կյանք է խլում
Քաղաքականություն
16.02.2022 | 20:25
Փետրվարի 7-13-ն ընկած ժամանակահատվածում աշխարհում կորոնավիրուսով վարակվել է 16 097 642 մարդ, մոլորակի 74 494 բնակիչ մահացել է վարակի բարդություններից։ Նման տվյալներ է հրապարակել Առողջապահության համաշխարհային կազմակերպությունը (ԱՀԿ):
Նշվում է, որ նախորդ շաբաթվա համեմատ՝ վարակվածների թիվը նվազել է 19%-ով, իսկ մահացությունն աճել է 4%-ով։ Այսպիսով, COVID-ով վարակման նոր դեպքերի թիվն աճել է միայն Արևմտյան Խաղաղօվկիանոսյան տարածաշրջանում (19%)։ Միաժամանակ, Արևելյան Միջերկրական ծովում, Ամերիկայում, Աֆրիկայում և Եվրոպայում հիվանդացությունը նվազել է, համապատասխանաբար, 37, 32, 30 և 16%-ով:
Անցած շաբաթ COVID-19-ի զոհերի թիվն աճել է Արևելյան Միջերկրական ծովում (38%), Արևմտյան Խաղաղ օվկիանոսում (27%), Աֆրիկայում (14%), Ամերիկայում (5%) և Եվրոպայում (1%): Իսկ Հարավարևելյան Ասիայում մահացության մակարդակը, ընդհակառակը, նվազել է 9%-ով։
ԱՀԿ-ի վերջին տվյալների համաձայն՝ աշխարհում 412,3 միլիոն մարդ վարակվել է կորոնավիրուսով, 5,8 միլիոնը՝ մահացել հիվանդության բարդություններից։ Միևնույն ժամանակ, վերջին մեկ օրվա ընթացքում գրանցվել է վարակման 1,5 մլն դեպք և 7,351 մահվան դեպք։
Հիշեցնենք, որ փետրվարի 14-ին Ուկրաինայում կորոնավիրուսով վարակման դեպքերի աճից չորս շաբաթ հետո առաջին անգամ անկում է գրանցվել։
Տաթև Ֆռանգյան
