07.11.2024 | 09:46
Այց Շվեդիա՝ ԵԽ «Կանանց նկատմամբ բռնության հաղթահարումը և գենդերային հավասարության ամրապնդումը Հայաստանում» ծրագրի շրջանակներում
Շվեդիան հաստատել է ՆԱՏՕ-ին չմիանալու իր մտադրությունը
Քաղաքականություն
16.02.2022 | 16:09
Շվեդիայի կառավարությունը ևս մեկ անգամ հաստատել է ՆԱՏՕ-ին չմիանալու իր ծրագրերը։ Միևնույն ժամանակ, Ստոկհոլմը մտադիր է համատեղել իր չեզոքությունը զինված ուժերի մարտունակության բարձրացման և պաշտպանության ոլորտում միջազգային համագործակցության խորացման հետ, ասվում է Շվեդիայի կառավարության հրապարակած Արտաքին քաղաքականության հռչակագրում։
«Կառավարությունը չի նախատեսում ՆԱՏՕ-ին անդամակցելու հայտ ներկայացնել, անվտանգության քաղաքականության գիծը չի փոխվել, մեր չեզոքությունը նպաստում է մեր բարեկեցությանը և Հյուսիսային Եվրոպայում կայունության ու անվտանգության պահպանմանը։ Մենք դա համատեղում ենք պաշտպանական քաղաքականության հետ, որը հիմնված է երկու հիմնասյուների վրա՝ ազգային կարողությունների ամրապնդում և միջազգային պաշտպանական գործընկերության ընդլայնում»,- նշվում է հռչակագրի տեքստում:
Ուկրաինայի հետ կապված իրավիճակը չի ազդել ՆԱՏՕ-ին անդամակցելու հարցում Շվեդիայի դիրքորոշման վրա։ Այս մասին ավելի վաղ հայտարարել էր երկրի պետքարտուղար Կարին Վալենսթենը՝ հիշեցնելով, որ Ստոկհոլմը չի ձգտում անդամակցել ՆԱՏՕ-ին, այլ ցանկանում է համագործակցել դաշինքի հետ։
Տաթև Ֆռանգյան
