16.09.2026 | 19:25
Կախած վիճակում կոշիկդ հանելու եմ. Փաշինյանը` Լևոն Քոչարյանին. ՏԵՍԱՆՅՈՒԹ
Բելառուսի ԱԳ նախարարն անդրադարձել է Հայաստանի հասցեին Լուկաշենկոյի հնչեցրած աղմկահարույց հայտարարություններին
Քաղաքականություն
16.02.2022 | 14:58
Բելառուսի նախագահ Ալեքսանդր Լուկաշենկոյի հայտարարություններից հետո Մինսկի և Երևանի միջև դիվանագիտական սկանդալի մասին խոսք չկա։ Այս մասին հայտարարել է Բելառուսի ԱԳ նախարար Վլադիմիր Մակեյը, գրում է ՏԱՍՍ գործակալությունը։
«Պետք է նայել նախագահի հարցազրույցն ամբողջությամբ, այնտեղ չի եղել որևէ հիշատակում այն մասին, որ որևէ մեկը որևէ մեկին ստիպում է ներառվել ինչ-որ ինտեգրացիոն միավորումներում։ Ես ընդհանրապես չեմ հասկանում, ինչո՞ւ է խոսվում ինչ-որ դիվանագիտական սկանդալի մասին»,- ասել է Մակեյը։
Նա նշել է, որ Ռուսաստանի հետ դաշնակցային ծրագրերի իրականացումը կօգնի մյուս պետություններին՝ տեսնել ինտեգրման առավելությունները։
«Խնդիրը նրանում է, որ մենք ինքներս հասնենք համագործակցության այնպիսի մակարդակի Միութենական պետության, ԵՏՄ-ի շրջանակում, որ այդ պետությունների համար գրավիչ լինի։ Ամեն ինչ գնում է դրան, և այն որոշումները, որոնք ընդունվել են անցյալ տարի Միութենական պետության ծրագրերի իրականացման վերաբերյալ, ինտեգրացիայի խորացման շատ լուրջ նոր ազդակ են տալիս։ Եվ շատ երկրներ կտեսնեն նման բնույթի ինտեգրացիոն միավորումներում մասնակցության օգուտները»,- ասել է Մակեյը։
Հիշեցնենք՝ փետրվարի 7-ին «Սոլովյով Live» հաղորդման ժամանակ Բելառուսի նախագահ Ալեքսանդր Լուկաշենկոն հայտարարել էր․ «Դե՝ Հայաստանը գնալու տեղ չունի: Կարծում եք նրանք ինչ-որ մեկին պե՞տք են: Նրանք դա տեսան: Նիկոլ Վովաևիչը դա տեսավ»։
Այս հայտարարություններից հետո Հայաստանում Բելառուսի դեսպանը կանչվել էր ՀՀ ԱԳՆ։ Բացի այդ, ԱԳՆ-ն հայտարարել էր, որ Բելառուսի նախագահի աշխարհաքաղաքական ինքնատիպ վերլուծությունները նպատակ ունեն սպասարկելու առաջին հերթին սեփական ներքին քաղաքական օրակարգը և որևէ առնչություն չունեն Հայաստանի ու նրա արտաքին քաղաքականության հետ։
Էմմա Չոբանյան
