26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ռիո դե Ժանեյրոյում ջրհեղեղներ են․ զոհեր կան
Քաղաքականություն
16.02.2022 | 14:44
Ռիո դե Ժանեյրոյի մերձակայքում գտնվող Բրազիլական Պետրոպոլիսում հորդառատ անձրևների հետևանքով ջրհեղեղ է գրանցվել։ Զոհերի թիվը, ըստ տարբեր աղբյուրների, տատանվում է վեցից քսան հոգու սահմաններում։ Այսպես, Տարածաշրջանային զարգացման նախարար Ռոժերիո Մարինյոն Twitter-ի իր էջում հայտնել է վեց զոհվածների մասին, գրում է korrespondent-ը։
«Մենք ցավում ենք Պետրոպոլիսում (Ռիո դե Ժանեյրո) վեց զոհվածների համար: Քաղաքը տուժել է հորդառատ անձրևների հետևանքներից. վերջին չորս ժամում տեղացել է ավելի քան 200 մմ անձրև, ինչը հանգեցրել է գետերի ափերից դուրս գալուն: Սողանքներ են գրանցվել 52 վայրում»,- նշել է նա։
Globo հեռուստաալիքի տվյալներով՝ անձրևների սկզբից վեց ժամվա ընթացքում քաղաքում ավելի քան մեկ ամիս տեղումներ են տեղացել։
Ռիո դե Ժանեյրոյի նահանգապետ Կլաուդիո Կաստրուի խոսքով՝ աղետի հետևանքները վերացնելու համար աշխատում են 120 փրկարարներ, նրանց միանալու է ուղարկվել ևս 60 մարդ։
Մինչ այդ, Mash հեռուստաալիքը տեսանյութ է հրապարակել հեղեղված քաղաքից ու հայտնել 20 զոհի մասին։
Տաթև Ֆռանգյան
