05.05.2025 | 23:29
Թուրքիայի գլխավոր ընդդիմադիր կուսակցության ղեկավարը հարձակման է ենթարկվել. հարձակվողը ձերբակալվել է
ՌԴ-ի կողմից Դոնեցկի և Լուգանսկի հանրապետությունների ճանաչումը միջազգային նորմերի խախտում կլինի․ Ստոլտենբերգ
Քաղաքականություն
15.02.2022 | 19:23
Ռուսաստանի կողմից ինքնահռչակ Դոնեցկի և Լուգանսկի ժողովրդական հանրապետությունների հնարավոր ճանաչումը կհակասի Մինսկի համաձայնագրերին։ Այս մասին Բրյուսելում հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է ՏԱՍՍ-ը։
«Ռուսաստանի կողմից, այսպես կոչված, Դոնեցկի և Լուգանսկի ժողովրդական հանրապետությունների ճանաչումը, եթե դա տեղի ունենա, կլինի Ուկրաինայի տարածքային ամբողջականության և ինքնիշխանության հերթական կոպտագույն խախտումը։ Նման ճանաչումը նաև կդառնա միջազգային նորմերի խախտում։ Բացի այդ, այն կխախտի Մինսկի համաձայնությունները»,- ասել է Ստոլտենբերգը։
Հիշեցնենք՝ ՌԴ Պետդուման այսօր քննարկել էր Դոնեցկի և Լուգանսկի ինքնահռչակ ժողովրդական հանրապետությունների ճանաչման վերաբերյալ երկու փաստաթուղթ։
Էմմա Չոբանյան
