16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Կանադան Ուկրաինային ավելի քան 400 մլն դոլարի վարկ կտրամադրի
Քաղաքականություն
15.02.2022 | 13:16
Կանադան Ուկրաինային 500 մլն կանադական դոլար (շուրջ 420 մլն ԱՄՆ դոլար) վարկ կտրամադրի։ Այս մասին հայտնել է երկրի Ֆինանսների նախարարությունը, փոխանցում է korrespondent-ը։
«Կանադան Ուկրաինայի կառավարությանը կառաջարկի մինչև 500 միլիոն դոլարի վարկ՝ Ռուսաստանի ռազմական ագրեսիայի ֆոնին երկրի տնտեսական կայունությունը պահպանելու համար»,- ասվում է հաղորդագրությունում։
Վարկը կտրամադրվի՝ ի համալրումն հունվարին հայտարարված 120 միլիոն դոլարի սուվերեն վարկի:
«Կանադան շարունակում է աջակցել ուկրաինայի տնտեսության կայունությանը` միաժամանակ հավատարիմ մնալով լարվածության թուլացմանը»,- հավելել է Կանադայի գանձապետարանը:
Ավելի վաղ հայտնի էր դարձել, որ Կանադայի իշխանություններն առաջին անգամ Ուկրաինային մահաբեր զենք կտրամադրեն։
Տաթև Ֆռանգյան
