19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Հնարավորինս շուտ լքել Ուկրաինան․ Ճապոնիայի ԱԳ նախարարի կոչը՝ իրենց քաղաքացիներին
Քաղաքականություն
14.02.2022 | 12:42
Ճապոնիայի արտաքին գործերի նախարար Յոշիմասա Հայաշին հորդորել է հայրենակիցներին հնարավորինս շուտ լքել Ուկրաինան, գրում է ՌԻԱ Նովոստին։
«Մենք պետք է անհապաղ տարհանում իրականացնենք հնարավորինս անվտանգ եղանակով։ Իրավիճակը կարգավորելու համար դիվանագիտական ջանքերը շարունակվում են, սակայն, իրավիճակը կարող է կտրուկ վատթարանալ»,- Հոնոլուլուում գտնվող նախարարն ասել է լրագրողներին։
Նախարարությունը նաև հայտնել է, որ Կիևում Ճապոնիայի դեսպանատան տարածքում մնացել են սակավաթիվ աշխատակիցներ։ Դեռևս ուրբաթ օրը Ճապոնիայի ԱԳՆ-ն կոչ էր արել երկրի քաղաքացիներին անհապաղ լքել Ուկրաինայի տարածքը։ ԱԳՆ-ն այս որոշումը բացատրել էր «ուկրաինա-ռուսական սահմանին լարվածության շարունակական աճով»։ Ճապոնիայի ԱԳՆ-ն ընդգծել է, որ իրավիճակի հետագա զարգացումը մնում է «անկանխատեսելի՝ չնայած շարունակվող դիվանագիտական ջանքերին», որոնք ուղղված են ճգնաժամի կարգավորմանը։
Տաթև Ֆռանգյան
