06.10.2026 | 18:30
Ալեն Սիմոնյանն ընդունել է Հայաստանում դիվանագիտական առաքելությունն ավարտող Լյուքսեմբուրգի դեսպանին
Սյունիքում դիրքեր զիջելու հարցը հունից հանեց ՔՊ-ական պատգամավորներին. ՏԵՍԱՆՅՈՒԹ
Քաղաքականություն
14.02.2022 | 12:34
«Նման տեղեկատվություն առաջին անգամ եմ լսում»,-«Քաղաքացիական պայմանագիր» խմբակցության պատգամավորների հետ խորհրդարանական ճեպազրույցի ժամանակ նշեց պատգամավոր Արմեն Խաչատրյանը՝ անդրադառնալով դիտարկմանը, թե լուրեր կան, որ Սյունիքում կրկին դիրքեր են զիջվելու հակառակորդին:
«Հիմա հայտարարություն եմ անում ԱԱԾ-ին՝ այս փաստի առթիվ անպայման ստուգումներ իրականացնել, և դուք պարտավոր եք նշել աղբյուրը, որտեղից են ձեզ ասել, որ Սյունիքում դիրքեր են զիջվելու»,-դիմելով լրագրողին՝ ասաց պատգամավորը:
Երաշխավորու՞մ է արդյոք, որ Սյունիքից նոր տարածքներ չեն զիջվելու թշնամուն, այս հարցը բարկացրեց ՔՊ-ական սյունեցի պատգամավորին: «Կգնաք այդ հարցը ձեր տերերին կտաք, դուք որպես լրագրո՞ղ եք այստեղ, թե՞ ակտիվիստ, ինչ հարցեր եք տալիս»,- ասաց Արմեն Խաչատրյանը:
«Երաշխավորում ենք, ամեն ինչ անելու ենք, որ Հայաստանի Հանրապետության սուվերենությունը, ինքնիշխանությունն ու տարածքային ամբողջականությունն ապահովվի, այո, ամեն ինչ, պետք լինի՝ մեր կյանքն ենք տալու»,- ընդգծեց Խաչատրյանը:
Մանրամասները՝ տեսանյութում:
