17.12.2025 | 23:55
ՊՍԺ-ն՝ Միջմայրցամաքային գավաթի հաղթող․ ՏԵՍԱՆՅՈՒԹ
Ուկրաինան հանդիպում է խնդրել Ռուսաստանի և ԵԱՀԿ Վիեննայի փաստաթղթի անդամ մյուս երկրների հետ
Քաղաքականություն
14.02.2022 | 11:04
Ուկրաինայի իշխանությունները կիրակի օրը հանդիպում են խնդրել Ռուսաստանի և ԵԱՀԿ Վիեննայի փաստաթղթի անդամ մյուս երկրների հետ 48 ժամվա ընթացքում՝ քննարկելու ռուսական զորքերի գործունեությունը սահմանային շրջաններում, քանի որ Մոսկվան նախկինում չէր պատասխանել Կիևի համապատասխան խնդրանքին, գրում է BBC-ի ռուսական ծառայությունը։
«Ուկրաինան առաջիկա 48 ժամվա ընթացքում խորհրդակցություն է հրավիրում Ռուսաստանի Դաշնության և բոլոր մասնակից երկրների հետ՝ քննարկելու մեր սահմանի երկայնքով և ժամանակավորապես օկուպացված Ղրիմում ռուսական զորքերի ուժեղացումն ու տեղաշարժը։
Եթե Ռուսաստանը լուրջ է ընդունել իր խոսքերը ԵԱՀԿ տարածքում անվտանգության անբաժանելիության մասին, ապա նա պետք է կատարի իր պարտավորությունները ռազմական թափանցիկության համար՝ լարվածությունը նվազեցնելու և բոլոր մասնակից պետությունների անվտանգությունը բարձրացնելու համար»,- թվիթերում գրել է Ուկրաինայի արտգործնախարար Դմիտրի Կուլեբան։
Ուրբաթ օրը Կուլեբան պարզաբանել է, որ Ռուսաստանը պետք է տեղեկատվություն տրամադրի ռազմական զորավարժությունների ոլորտների, կազմավորումների քանակի, ինչպես նաև՝ սպառազինության և ռազմական տեխնիկայի տեսակների մասին։
Հավելենք, որ Վիեննայի փաստաթուղթն ընդունվել է 2011 թվականին և նախատեսում է ԵԱՀԿ անդամ երկրների միջև ռազմական տեղեկատվության փոխանակում, ինչպես նաև վտանգավոր միջադեպերի կանխարգելման մեխանիզմներ։
Տաթև Ֆռանգյան
