16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Բայդենն ու Պուտինը հեռախոսազրույց են ունեցել
Քաղաքականություն
13.02.2022 | 10:27
Ռուսաստանի նախագահ Վլադիմիր Պուտինն ու ԱՄՆ-ի նախագահ Ջո Բայդենն ավելի քան 1 ժամ տևողությամբ հեռախոսազրույց են ունեցել, որի առանցքում եղել է Ուկրաինան: Զրույցը գործնական և բալանսավորված է եղել, նշել է ՌԴ առաջնորդի օգնական Յուրի Ուշակովը, գրում է ՌԻԱ Նովոստին:
Նշվում է, որ Բայդենը ևս մեկ անգամ զգուշացրել է Ուկրաինայի շուրջ էսկալացիայի հնարավոր հետևանքների մասին, հատկապես` պատժամիջոցների: Իր հերթին Պուտինը զրուցակցին հիշեցրել է Մոսկվայի, ՆԱՏՕ-ի ու Վաշինգտոնի միջև հարաբերությունների զարգացման մասին:
Հիշեցնենք` Վլադիմիր Պուտինը նախօրեին հեռախոսազրույց էր ունեցել նաև Ֆրանսիայի նախագահ Էմանուել Մակրոնի հետ: Վերջինս ասել էր, որ «անկեղծ երկխոսությունն անհամատեղելի է ռուս-ուկրաինական սահմանին իրավիճակի սրման հետ», հաղորդել է AFP-ն՝ վկայակոչելով Ելիսեյան պալատը։
