28.04.2026 | 16:46
Երկրաշարժ Կարսում, որ զգացվել է նաև Գյումրիում ու Շիրակի 4 գյուղում
Եվրամիության կոշտ զեկույցը Թուրքիայի մասին
Քաղաքականություն
18.04.2018 | 15:48
Եվրամիությունը հրապարակել է Թուրքիայի զարգացման զեկույցը, որտեղ նշվում, է, թե որ ոլորտներում ինչ հաջողություններ կամ անհաջողություններ ունի երկիրը. փոխանցում է ermenihaber-ը:
Զեկույցում խոսվել է ինչպես Թուրքիայի ներքին, այնպես էլ արտաքին խնդիրների մասին։
Ներքին խնդիրներից նշվել է, որ Թուրքիայում դեռևս պահպանվում է արտակարգ դրությունը և դրա ընթացքում հազարավոր մարդիկ են ձերբակալվում։ Արտակարգ դրության հայտարարումից մինչ օրս Թուրքիայում ձերբակալվել է 150․000 մարդ, որից 78000-ը կալանավորվել են։ Այդ ընթացքում 110․000 պետաշխատող էլ հեռացվել է աշխատանքից։
Զեկույցում խոսվել է Թուրքիայի և Եվրամիության անդամ երկրների հարաբերություններից։ Ընդգծվել է, որ դրանք գնալով վատանում են։ Անընդունելի է համարվել թուրք գործիչների ագրեսիվ հայտարարությունները ԵՄ-ի երկրների հասցեին։
Խոսվել է նաև Թուրքիայի տարբեր շրջաններում ծավալվող քուրդ զինյալների դեմ գործողությունների մասին։
«Նույնիսկ, եթե իշխանությունը ահաբեկչության դեմ պայքարելու իրավունք ունի, այնուամենայնիվ, դրա հետ մեկտեղ պետք է հարգանք ցուցաբերվի օրենքի գերակայության, մարդու իրավունքների, հիմնարար ազատությունների նկատմամբ»։
Թուրքական որոշ լրատվամիջոցներ գրում են, որ սա պատմության ընթացքում ամենակոշտ զեկույցներից մեկն է Թուրքիայի վերաբերյալ։
