08.06.2026 | 18:54
ՔՊ-ի կողմից ճնշումների ու խրախուսումների վերաբերյալ ահազանգեր ենք ստացել․ ԵՄ հանձնակատար․ ՏԵՍԱՆՅՈՒԹ
Արքայազն Չարլզը երկրորդ անգամ է վարակվել կորոնավիրուսով
Քաղաքականություն
11.02.2022 | 13:50
Ուելսի արքայազն Չարլզը երկրորդ անգամ է վարակվել կորոնավիրուսով։ COVID-19-ի դրական թեստից հետո բրիտանական գահի 73-ամյա ժառանգն ինքնամեկուսացվել է։ Այդ մասին գրում է The Guardian-ը։
Արքայազն Չարլզի հիվանդությունն առանց ախտանշանների է ընթանում։ Առաջին անգամ նրա մոտ վարակ էր հայտնաբերվել 2020 թվականի մարտին։ Նրա խոսքով, այն ժամանակ հիվանդությունը բավականին թեթև է ընթացել։
Նշվում է, որ 95-ամյա Եղիսաբեթ II թագուհին երեքշաբթի՝ փետրվարի 8-ին, ժամանակ է անցկացրել Չարլզի հետ։
Թագուհին ամբողջությամբ պատվաստված է, այնպես որ նա ստիպված չի լինի մեկուսանալ, քանի դեռ նրա թեստը դրական չի լինի: Այնուամենայնիվ, նրան խորհուրդ են տվել յոթ օրվա ընթացքում օրական մեկ արագ թեստ հանձնել:
Տաթև Ֆռանգյան
