14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ադրբեջանի հերթական կեղծիքը․ Բայրամովը հայտարարել է, թե Հայաստանն է խոչընդոտում ՅՈՒՆԵՍԿՕ-ի առաքելության այցին Արցախ
Մշակույթ
10.02.2022 | 17:07
Ադրբեջանի ԱԳ նախարար Ջեյհուն Բայրամովը այսօր լրագրողների հետ զրույցում հայտարարել է, թե, իբր, Հայաստանն է խոչընդոտում ՅՈՒՆԵՍԿՕ-ի առաքելության այցին Արցախ։
«Պատերազմից հետո մենք մեծ կազմակերպչական աշխատանքն ենք արել, բոլոր երթուղիները որոշվել են և ընդհանուր առմամբ, լայն տեղեկատվություն է ներկայացվել ուղղություններով։ ՅՈՒՆԵՍԿՕ-ի պատասխանն այն էր, որ այցելության ենթակա վայրերի թիվը չափազանց մեծ է: Ադրբեջանը տարբերություն չի դնում հուշարձանների միջև։ Մենք լիովին աջակցում ենք ինչպես քրիստոնեական, այնպես էլ իսլամական հուշարձանների ստուգմանը։ Այդ բոլոր կազմակերպչական հարցերը համաձայնեցված են ՅՈՒՆԵՍԿՕ-ի հետ։ Նախորդ տարվա հունիսից Ադրբեջանը սպասում է այդ առաքելությանը։ Ադրբեջանական կողմը դրանում ոչ մի դերակատարում չունի, որ առաքելությունը չի կայացել։ Հիմա հենց հայկական կողմն է խոչընդոտում այդ առաքելության իրականացմանը»,-ասել է Բայրամովը։
Նշենք, որ փաստերը հակառակն են ապացուցում, որ հենց ադրբեջանական կողմն է Արցախյան 44-օրյա պատերազմից հետո ամեն կերպ խոչընդտում ՅՈՒՆԵՍԿՕ-ի առաքելության Արցախ ու գրավյալ տարածքներ այցին։ Այս փաստը արձանագրվել է նաև կառույցի կողմից։
Մասնավորապես, 2020թ-ի դեկտեմբերին ՅՈՒՆԵՍԿՕ-ի մշակույթի հարցերով գլխավոր տնօրենի տեղակալ Էռնեստո Օտտոնեն հայտարարել էր, որ Ադրբեջանից դեռ պատասխան չեն ստացել Արցախ կազմակերպության փորձագիտական առաքելություն ուղարկելու համար։
«Առայժմ միայն Ադրբեջանի պատասխանին ենք սպասում, որպեսզի ՅՈՒՆԵՍԿՕ-ն կարողանա առաջ շարժվել առաքելություն ուղարկելու ուղղությամբ»,- ասել էր նա։
Այն որ Բաքուն խանգարում է առաքելության այցին ու իր պայմանները առաջ քաշում, փաստել է նաև Ադրբեջանի մշակույթի նախարար Անար Քերիմովը։ Դեռ ամիսներ առաջ լրագրողների հետ զրույցում նա հայտնել էր, որ ՅՈՒՆԵՍԿՕ-ի առաքելության այցի շուրջ բանակցությունները շարունակվում են՝ նշելով, որ ադրբեջանական կողմի իր պայմաններն ու առաքելության կազմակերպման տեխնիկական մանրամասները փոխանցվել են ՅՈՒՆԵՍԿՕ-ին։
Դեռ 2021թ-ի դեկտեմբերին ադրբեջանական լրատվամիջոցի հարցմանն ի պատասխան ՅՈՒՆԵՍԿՕ-ից նշել էին՝ աշխատում են Լեռնային Ղարաբաղ առաքելության կազմակերպման ուղղությամբ։
«Հուսով ենք, որ դա հնարավոր կդառնա մոտ ժամանանկներում, սակայն ներկայում անհրաժեշտ պայմաններ չկան»,-ասել էին ՅՈՒՆԵՍԿՕ-ից։
Էմմա Չոբանյան
