09.06.2026 | 00:17
Մարկո Ռուբիոն շնորհավորել է Փաշինյանին
Աշխարհի բնակչության կեսը պատվաստված է COVID-19-ի դեմ․ Եվրահանձնաժողով
Քաղաքականություն
10.02.2022 | 12:01
Աշխարհի բնակիչների կեսը լիովին պատվաստված է COVID-19 կորոնավիրուսի դեմ՝ չնայած որոշ երկրների կողմից պատվաստանյութերի անարդյունավետ օգտագործմանը։ Այս մասին մամուլի ասուլիսի ժամանակ հայտարարել է Առողջապահության հարցերով եվրահանձնակատար Ստելլա Կիրիակիդեսը։
«Մենք անցել ենք մի փուլ, երբ աշխարհի բնակչության 50%-ն արդեն լիովին պատվաստված է COVID-19-ի դեմ: Բայց մենք այսօր հասկացանք, որ պատվաստանյութեր տրամադրելը բավարար չէ, դուք պետք է համոզվեք, որ դրանք լիարժեք և ժամանակին են օգտագործվում, ինչը միշտ չէ, որ այդպես է»,- ասել է Եվրահանձնաժողովի ներկայացուցիչը։ Նրա խոսքով, խնդիրը հատկապես արդիական է աֆրիկյան երկրների համար, որտեղ COVID-ի դեմ բնակչության իմունիզացիայի մակարդակը դեռ ցածր է։
«Այնտեղ անհրաժեշտ է պատվաստումների համար ենթակառուցվածք ստեղծել: Մեզ պետք են ավելի շատ ներարկիչներ, ավելի շատ կլինիկաներ, ավելի պատրաստված անձնակազմ: Սրանք այն հիմնական խնդիրներն են, որոնց վրա մենք աշխատում ենք», – ասել է Կիրիակիդեսը:
Եվրահանձնակատարը նաև նշել է, որ համաճարակի սկզբից ի վեր Եվրամիությունը առողջապահության ոլորտում օգնություն է ցուցաբերել 130 երկրների՝ ընդհանուր 46 միլիարդ եվրոյի չափով, որից շուրջ 10 մլնն ուղղվել է աֆրիկյան երկրներին աջակցելու համար։
Բացի այդ, ԵՄ երկրները 407 միլիոն չափաբաժին պատվաստանյութ են նվիրաբերել աշխարհի այլ երկրներին և արտահանել միության տարածքում արտադրված ամբողջ պատվաստանյութի կեսը։
Տաթև Ֆռանգյան
