18.12.2025 | 16:53
«Շտկում եմ խառնաշփոթը». Թրամփը նախատոնական ուղերձում գովաբանել է իրեն, իսկ Բայդենին մեղադրել խնդիրների համար
Ես ոչ թե 1, այլ 4 ժառանգորդ ունեմ․ Փաշինյանը՝ Միրզոյանի՝ իր ժառանգորդը լինելու մասին. ՏԵՍԱՆՅՈՒԹ
Քաղաքականություն
09.02.2022 | 18:21
Խորհրդարանում կառավարության անդամների հետ հարցուպատասխանի ժամանակ «Հայաստան» խմբակցության պատգամավոր Ագնեսա Խամոյանը կարծիք հայտնեց, որ վերջերս ԱԳ նախարար Արարատ Միրզոյանն է Նիկոլ Փաշինյանի փոխարեն պատասխանում մի շարք առանցքային հարցերի՝ նրա հետ պատասխանատվություն կիսելով հետագա իրադարձությունների համար:
«Ձեր պահվածքով հաստատում եք, որ ներթիմային, ներկուլիսային զրույցները, որ Նիկոլ Փաշինյանը Ձեզ է պատրաստում՝ որպես իր ժառանգորդ, իրականությունից այդքան էլ հեռու չեն»,-նշեց Խամոյանը՝ դիմելով Արարատ Միրզոյանին և պահանջեց նրանից «որպես Փաշինյանի ժառանգորդ» արձագանքել Ադրբեջանի նախագահի հոխորտանքերին:
Ամբիոնին մոտեցավ Նիկոլ Փաշինյանը և նշեց. «Ուզում եմ տեղեկացնել,որ ես ոչ թե մեկ, այլ՝ 4 ժառանգորդ ունեմ՝ Մարիամ Նիկոլի Փաշինյան, Աշոտ Նիկոլի Փաշինյան, Շուշան Նիկոլի Փաշինյան և Արփի Նիկոլի Փաշինյան»:
Ագնեսա Խամոյանն արձագանքեց, որ նկատի ունի իշխանության ժառանգությունը և հավելեց, որ իր հարցն ուղղված էր Արարատ Միրզոյանին.
«Դուք փաստորեն հնարավորություն չեք ընձեռում ձեր ԱԳ նախարարին, որը ձեզ հետ պատասխանատվություն է կիսում կարևոր, անվտանգային, ռազմավարական հարցերում, պատասխանելու իր մասին հնչած հարցին»:
Մանրամասները՝ տեսանյութում:
