19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Դատարանների նկատմամբ քաղաքական մեծ ճնշում կա՝ հատկապես ընդդիմության կողմից․ նախարար. ՏԵՍԱՆՅՈՒԹ
Քաղաքականություն
09.02.2022 | 18:10
ԱԺ-Կառավարություն հարցուպատասխանի ընթացքում արդարադատության նախարար Կարեն Անդրեասյանն անդրադարձավ Սահմանադրական բարեփոխումների խորհրդի աշխատանքին: Նախարարի համոզմամբ՝ ներկայիս Սահմանադրության մեջ խախտված է իշխանության տարբեր թևերի միջև բալանսավորումը: Գործընթացը, ըստ նրա, նախատեսված է հենց այդ խնդիրը շտկելու համար:
Անդրեասյանն անդրադառնալով դատարանների վրա ճնշումների վերաբերյալ հարցին, նշեց. «Այն, որ դատարանների հանդեպ կա հանրային ծայրահեղ անվստահություն, և այդ անվստահությունը պարբերաբար առաջացնում է քաղաքական խոր դժգոհություններ, եղել է և՛ ընդդիմադիր, և՛ իշխանական թևում: Օգտվելով առիթից՝ ուզում եմ նշել, որ այսօր էլ դատարանների նկատմամբ քաղաքական մեծ ճնշումներ են կիրառվում հատկապես ընդդիմության կողմից»:
«Ես կուզեի, որ ոչ մի կողմից՝ ո՛չ իշխանական, ո՛չ ընդդիմադիր կողմից դատարանների հանդեպ քաղաքական ճնշումներ չլինեն»,- ընդգծեց արդարադատության նախարարը:
Մանրամասները՝ տեսանյութում:
