29.03.2026 | 22:16
Հրդեհ ավտոմեքենայում․ տուժածներ չկան
Չփորձված նախագիծ է․ «Հայաստան» խմբակցությունը դեմ կքվեարկի հանրակրթության օրենքին. ՏԵՍԱՆՅՈՒԹ
Քաղաքականություն
09.02.2022 | 15:01
ՀՀ ազգային ժողովում քննարկվում է կառավարության ներկայացրած «Հանրակրթության մասին» օրենքում փոփոխություններ և լրացումներ կատարելու մասին օրենքի նախագիծը, որով սահմանվում է, որ դպրոցները բացի տնօրենից, կունենան նաև վարչատնտեսական մասի համակարգող:
«Հայաստան» խմբակցության պատգամավոր Լիլիթ Գալստյանը մտահոգություն հայտնեց՝ նշելով. «Ամենամեծ խնդիրը չփորձված նախագծի գործածության մեջ դնելն է, մի ամբողջ կրթական համակարգ տանում ենք ցնցումների՝ առանց փորձարկելու: Խոսվեց երկու մասնավոր դպրոցների փորձի մասին, բայց չեմ կարծում, որ դրանք պետական հանրակրթության մեջ կիրառելու բավարար հիմք են տալիս»:
Գալստյանի խոսքով՝ կրթական, մանկավարժական հանրույթի ներկայացուցիչները հորդորում են նախագծի հեղինակներին, որ ավելի լավ կլինի տնօրենների ինստիտուտը զորացվեր և կառավարման բարեկարգված մոդել որդեգրվեր, քան թե ներդրվեր մի մոդել, որն ընդհանրապես փորձարկման չի ենթարկվել:
«Մենք իրավունք չունենք կրթական համակարգը տանել ցնցումների՝ չհաստակեցված նոր մոդել ներդնելով»,- ընդգծեց Գալստյանը և հայտարարեց, որ «Հայաստան» խմբացությունը դեմ կքվեարկի նախագծին:
Մանրամասները՝ տեսանյութում:
