17.12.2025 | 10:42
Համաձայնագիրը խաղաղության հիմքն է, եթե կա բարի կամք և փոխադարձ հարգանք. իսպանացի պատգամավորը՝ Երևան-Բաքու երկխոսության մասին
Զասը կարծում է՝ Ռուսաստանի և Բելառուսի սահմանների մոտ ՆԱՏՕ-ի ուժերի կուտակումը սպառնալիք է ողջ ՀԱՊԿ-ի համար
Քաղաքականություն
09.02.2022 | 16:06
Ռուսաստանի և Բելառուսի սահմանների մոտ ՆԱՏՕ-ի ուժերի կուտակումը սպառնալիք է ստեղծում ոչ միայն այս երկրների, այլև ողջ ՀԱՊԿ-ի համար։ Այս մասին ասել է կազմակերպության գլխավոր քարտուղար Ստանիսլավ Զասը՝ ելույթ ունենալով «Վալդայ» միջազգային քննարկման ակումբի շրջանակներում «Հավաքական անվտանգությունը նոր դարաշրջանում. ՀԱՊԿ-ի փորձն ու հեռանկարները» համաժողովում։
Նրա խոսքով՝ ՆԱՏՕ-ի գործողությունները հանգեցնում են ողջ տարածաշրջանի ռազմականացմանը։ Զասը միաժամանակ կարծում է, որ անվտանգության երաշխիքների շուրջ Մոսկվայի բանակցություններն Արևմուտքի հետ բխում են ՀԱՊԿ-ի շահերից։
«Մենք պետք է հաշվի առնենք ժամանակակից իրողություններն ու մարտահրավերները և հարմարեցնենք ՀԱՊԿ գործող մեխանիզմները այդ մարտահրավերներին, ինչպես նաև մշակենք նոր մեխանիզմներ: Մենք մտադիր ենք էլ ավելի ուժեղացնել մեր հավաքական ուժերը, բարձրացնել մարտունակությունը՝ առաջադրանքները կատարելու համար»,- ասել է գլխավոր քարտուղարը:
Նա ընդգծել է, որ առաջնահերթություն է տրվելու Արագ արձագանքման հավաքական ուժերին և խաղաղապահ ուժերին։
Տաթև Ֆռանգյան
