07.11.2024 | 10:30
Նավթի գներն աճել են
Չավուշօղլուն Բլինքենին տեղեկացրել է Մոսկվայի ու Կիևի միջև լարվածության նվազման թուրքական նախաձեռնությունների մասին
Քաղաքականություն
08.02.2022 | 20:29
Թուրքիայի ԱԳ նախարար Մևլութ Չավուշօղլուն հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։ Այս մասին ՏԱՍՍ-ին հայտնել է Թուրքիայի ԱԳՆ աղբյուրը։
«Բանակցությունների ընթացքում օրակարգ են բերվել Ռուսաստանի Դաշնության և Ուկրաինայի միջև լարվածության վերջին զարգացումների շրջանակում իրադարձությունները։ Նախարար Չավուշօղլուն իր զրուցակցին տեղեկացրել է ՌԴ-ի և Ուկրաինայի միջև լարվածությունը երկխոսության միջոցով նվազեցնելու մեր նախաձեռնությունների մասին», -ասել է գործակալության զրուցակիցը։
Չավուշօղլուն նաև ասել է, որ Անկարան մտադիր է վճռական կերպով շարունակել պայքարել Սիրիայում Քուրդիստանի աշխատավորական կուսակցության ներկայացուցիչների դեմ։
«Բանակցությունների ընթացքում քննարկվել են Սիրիայի հյուսիսում իրադարձությունները։ Նախարար Չավուշօղլուն ուշադրություն է հրավիրել PKK-ի և «Ժողովրդական ինքնապաշտպանության ուժերի» անջատողականների գործունեությանը և խաղաղ բնակչության վրա նրանց հարձակումներին: Նա նաև ընդգծել է. որ այդ ահաբեկչական կազմակերպությունների դեմ մեր պայքարը վճռականորեն կշարունակվի»,- ասել է աղբյուրը։
Պետդեպարտամենտը հայտնում է, որ զրուցակիցները քննարկել են նաև հայ-թուրքական հարաբերությունների կարգավորումն ու այն լրացուցիչ քայլերը, որոնք ԱՄՆ-ը կարող է ձեռնարկել այդ ջանքերին աջակցելու համար։
Էմմա Չոբանյան
