16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
20 ռուսական ռազմանավ, ճեղքելով սառույցը, անցել է Ճապոնիայի տարածքի կողքով
Քաղաքականություն
08.02.2022 | 22:21
Ռուսական խաղաղօվկիանոսյան նավատորմը լայնածավալ զորավարժություններ է անցկացնում Կուրիլյան կղզիներում։ Վարժանքները կշարունակվեն մինչև ամսվա վերջ։
Զորավարժությունների շրջանակում երկու տասնյակ նավեր անցել են Լա Պերուզ նեղուցի սառույցի միջով Ճապոնական ծովից մինչև Օխոտի ծով: Տեղեկացվում է, որ ի թիվս այլ բաների` ուշադրությամբ մշակվում են հակադիվերսիոն ուժերի գործողությունները, գրում է Euronews-ը։
Մոսկվայում հայտարարում են, որ պլանային ստուգումների ընթացքում տարեսկզբին տարբեր մասշտաբների ռազմական վարժանքներ են անցկացվում բոլոր նավատորմերում, այդ թվում` Ատլանտյան և Միջերկրական ծովերում:
Ճապոնիայում դեմ են արտահայտվել խաղաղօվկիանոսյան հատվածում ՌԴ զորավարժություններին։ Հենց երկուշաբթի օրն էլ Ճապոնիայում նշում էին «Հյուսիսային տարածքների օրը», այդպես են այնտեղ անվանում Կուրիլյան կղզիները։ Տոկիոյում հայտարարել են, որ ՌԴ ռազմական ներկայության ուժեղացումն այդ շրջաններում «անընդունելի» է։
ՌԴ ԱԳՆ-ը բողոքը մերժել է, իսկ Կրեմլից հայտարարել են, որ ճապոնական կողմի անհանգստությունն ավելորդ է։
Տաթև Ֆռանգյան
