29.07.2026 | 12:34
ՔՊ-ին սատարելու համար 61-ամյա քաղաքացուն թիրախավորած անձի գործն ուղարկվել է դատարան
Պեսկովը չի բացառել Պուտինի ու Զելենսկու հանդիպումը
Քաղաքականություն
08.02.2022 | 16:26
Կրեմլի խոսնակ Դմիտրի Պեսկովը հայտարարել է, որ Ռուսաստանի նախագահ Վլադիմիր Պուտինը պատրաստ է հանդիպել ցանկացածի հետ՝ Ուկրաինայի հետ կապված իրավիճակի «գորդյան հանգույցը» կտրելու համար։ Ըստ Պեսկովի՝ Վլադիմիր Զելենսկին բացառություն չէ, գրում է «Մոսկովսկի All Postsկոմսոմոլեցը»։
Նրա խոսքով՝ ապրիորի հնարավոր հանդիպումից ոչ ոք չի հրաժարվում։ Ընդ որում՝ Կրեմլում այնքան էլ չեն հասկանում, թե ինչ հարցեր կարող են քննարկել Ռուսաստանի և Ուկրաինայի նախագահները, ինչպես նաև՝ ինչ արդյունք կարող է ունենալ քննարկումը։
Պեսկովը հավելել է, որ նախ պետք է հասկանալ Զելենսկու հետ Պուտինի հանդիպման նպատակը։ «Այս ըմբռնումը նույնպես դեռ չի հասունացել»,- խոստովանել է Պեսկովը։
Հիշեցնենք՝ ավելի վաղ Թուրքիայի նախագահի պաշտոնական ներկայացուցիչ Իբրահիմ Քալընը հայտարարել էր, որ ՌԴ նախագահ Վլադիմիր Պուտինի Անկարա այցի ժամկետը կարող է սահմանվել մոտ ապագայում։ Նա հիշեցրել է, որ Թուրքիայի նախագահն առաջարկել է Պուտինի և Զելենսկու միջև բանակցություններ անցկացնել Թուրքիայում։
Տաթև Ֆռանգյան
