21.04.2026 | 16:04
Հայաստանը պատրաստ է ընդլայնել կապերը. ՀՀ ԱԳՆ-ն շնորհավորել է Իսրայելի անկախության օրվա կապակցությամբ
Եկեք վերջ տանք այս անիմաստ լարվածությանը և ելույթների ժամանակ դահլիճից դուրս չգանք․ ավագանու անդամ. ՏԵՍԱՆՅՈՒԹ
Քաղաքականություն
08.02.2022 | 15:17
«Եկեք վերջ տանք այս անիմաստ լարվածությանը, հարգենք ավագանու յուրաքանչյուր անդամի կարծիքը և ելույթների ժամանակ դահլիճից ցուցադրական դուրս չգանք»,- Երևանի ավագանու այսօրվա նիստում գործընկերներին հորդորեց ԲՀԿ խմբակցության անդամ Մարկոս Հարությունյանը:
«Եթե որևէ մեկն ուզում է դահլիճից դուրս գա, թող իմ ելույթի ժամանակ դուրս գա, ես դա միտումնավոր քայլ չեմ համարի, բայց տիկին Աբգարյանի ելույթի ժամանակ, խնդրում եմ, էլ ոչ մեկը դահլիճից ցուցադրական դուրս չգա:
Տիկի՛ն Աբգարյան, նաև Ձեզ եմ խնդրում, եկեք վերադառնանք գործընկերային հարաբերությունների դաշտ, բոլորս միմյանց հարգենք, ճանապարհի մեծ մասն անցել ենք, կարծում եմ տարի ու կես էլ իրար կհանդուրժենք»,- հորդորեց Հարությունյանը:
Նշենք, որ Երևանի ավագանու նիստում քննարկվում էր Լևոն Ներսիսյանի անվամբ փողոց անվանակոչելու մասին նախագիծը, որը ներկայացնում էր ավագանու անդամ Իզաբելլա Աբգարյանը:
Մանրամասները՝ տեսանյութում:
