09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Տարբեր ժամանակներում նման խոսքեր եղել են. Հ. Արշակյանը Լուկաշենկոյի՝ ՀՀ-ին ուղղված կոշտ խոսքի մասին. ՏԵՍԱՆՅՈՒԹ
Քաղաքականություն
08.02.2022 | 14:27
«Բազմիցս լսել ենք նման հայտարարություններ»,- լրագրողների հետ ճեպազրույցում նշեց Ազգային ժողովի փոխնախագահ Հակոբ Արշակյանը՝ անդրադառնալով Հայաստանի մասին Բելառուսի նախագահ Ալեքսանդր Լուկաշենկոյի հայտարարությանը:
«Ցանկանում եմ շեշտել, որ հայ և բելառուս ժողովուրդները եղբայրական ժողովուրդներ են, և մենք շատ սերտ բարեկամական կապեր ունենք: Որևէ հայտարարություն չի կարող ազդել այդ ժողովուրդների բարեկամության վրա: Այստեղ որևէ մեկնաբանելու առիթ չեմ տեսնում: Բազմաթիվ մեկնաբանություններ տարբեր ժամանակներում եղել են»,- նշեց ԱԺ փոխնախագահը:
Արշակյանն ավելացրեց, որ միութենական պետության մաս կազմելու վերաբերյալ քննարկումներ Հայաստանում չեն ընթանում:
Հիշեցնենք, որ երեկ Վլադիմիր Սոլովյովին տված հարցազրույցում Լուկաշենկոն, խոսելով Ռուսաստան-Բելառուս միութենական պետության ստեղծման գաղափարի մասին, նշել էր. «Հայաստանը փախչելու տեղ չունի… Ինչ է, կարծում եք, նրանք ինչ-որ մեկին պե՞տք են…»:
Մանրամասները՝ տեսանյութում:
