24.04.2026 | 13:48
Արման Ծառուկյան․ RAF-ի աշխատավարձը մոտենում է UFC-ի հոնորարներին
ԱՄՆ կրոնական ազատության հանձնաժողովը դատապարտել է Հայ առաքելական եկեղեցիների արձանագրությունները ջնջելու Ադրբեջանի ծրագրերը
Քաղաքականություն
08.02.2022 | 13:25
ԱՄՆ միջազգային կրոնական ազատության հանձնաժողովը անդրադարձել է Ադրբեջանի կողմից հատուկ հանձնաժողովի ստեղծմանը, որի նպատակն է Արցախի հայկական եկեղեցիների հայկական գրառումները ջնջելն ու դրանք ալբանացնելը։
«Մենք խորապես մտահոգված ենք Հայ առաքելական եկեղեցիների արձանագրությունները հեռացնելու Ադրբեջանի ծրագրերով։ Մենք կոչ ենք անում կառավարությանը պահպանել ու պաշտպանել պաշտամունքի, այլ կրոնական ու մշակութային վայրերը»,-ասվում է հայտարարության մեջ, որը հրապարակվել է կառույցի թվիթերյան էջում։
Հիշեցնենք, որ օրերս Ադրբեջանի մշակույթի նախարար Անար Քերիմովը հայտարարել էր, որ «Ալբանիայի (Աղվանք) պատմության ու ճարտարապետության մասնագետների աշխատանքային խումբ է ստեղծվել», իբր, ալբանական կրոնական տաճարներից «հայերի գրած կեղծ հետքերը (գրառումները)» ջնջելու համար։
Էմմա Չոբանյան
