29.07.2026 | 12:34
ՔՊ-ին սատարելու համար 61-ամյա քաղաքացուն թիրախավորած անձի գործն ուղարկվել է դատարան
Դիարբեքիրի 16-րդ դարի Սուրբ Սարգիս հայկական եկեղեցին վերականգնվելու է
Քաղաքականություն
07.02.2022 | 20:17
Թուրքիայի հարավարևելյան Դիարբեքիր նահանգում գտնվող հայկական հինավուրց եկեղեցին վերականգնվելու է։ Այս մասին գրում է Daily Sabah-ը` վկայակոչելով Անադոլու գործակալությանը։
Հաղորդվում է, որ Սուրբ Սարգիս հայկական եկեղեցին, որը կառուցվել է 16-րդ դարում Դիարբեքիրի Սուր շրջանում ունի 3769 քառակուսի կմ տարածք։
Նշվում է, որ այն պատկանում է Սուրբ Կիրակոս հայկական եկեղեցու հիմնադրամին, ամբողջությամբ ավերված է, այն երկար ժամանակ օգտագործվել է, որպես բրնձի գործարան։
Դիարբեքիրի հնագիտական թանգարանում գտնվող մի գրության մեջ ասվում է, որ քրիստոնեական պաշտամունքի վայրը վերջին անգամ վերանորոգվել է 1840 թվականին։
Դիարբեքիրի մշակույթի նախարարության հետազոտության և հուշարձանների վարչության ղեկավար Ջեմիլ Քոչն էլ հայտարարել է, որ 16-րդ դարի կառույցը ժամանակի ընթացքում քայքայվել է այցելուների թվի նվազման հետևանքով։
Նա նշել է, որ կառույցը մոնումենտալ նշանակություն ունի Դիարբեքիրի համար։
«Կատարվում են չափագրումներ, որոնք հիմք են հանդիսանալու շենքերի ուսումնասիրության և նախագծերի համար։ Վերցվել են նաև նյութերի նմուշներ, որոնք կօգնեն ավելի շատ տեղեկություններ ստանալ եկեղեցու ճարտարապետական ոճի մասին»,-ասել է պաշտոնյան։
Հիմնադրամի ղեկավար Էրգյուն Այըքն էլ ասել է, որ կառույցը Դիարբեքիրի երկու պահպանված եկեղեցիներից մեկն է և նրանք սկսել են գործընթացը՝ այն վերադարձնելու նախկին վիճակին։
Էմմա Չոբանյան
