07.11.2024 | 11:23
ՀՀ-ում առաջին անգամ կկիրառվեն «կանաչ կամուրջները». Գնել Սանոսյան․ ՏԵՍԱՆՅՈՒԹ
Պեսկովը հայտարարել է, որ Արևմուտքը նախընտրում է չհիշատակել անվտանգության երաշխիքների թեման
Քաղաքականություն
07.02.2022 | 19:04
ՌԴ նախագահի մամուլի խոսնակ Դմիտրի Պեսկովը հայտարարել է, որ անվտանգության երաշխիքների շուրջ նոր բան դեռ չկա, այդ թեման Արևմուտքը նախընտրում է չհիշել, սակայ ոգևորված քննարկում է ՌԴ հարձակումը Ուկրաիանյի վրա, գրում է Ռիա Նովոստին։
«Առաջին հերթին կարելի է ասել է, որ վերջին օրերին ոչ մի նոր բան չի եղել ՌԴ անվտանգության երաշխիքների թեմայի շուրջ։ Այդ թեման մեր արևմտյան զրուցակիցները նախընտրում են չնշել և դրա փոխարեն նրանք նախընտրում են քննարկել նրանց կարծիքով գոյություն ունեցող ՌԴ-ի՝ Ուկրաինայի վրա առաջիկա «հարձակման» խնդիրը»,-ասել է Պեսկովը՝ պատասխանելով հարցին, արդյո՞ք կարելի է խոսել Ռուսաստանի շուրջ լարվածության աստիճանի նվազման մասին։
«Այստեղ էլ, հավանաբար, դժվար թե հնարավոր լինի խոսել ինչ-որ հանգստության մասին, մենք ամեն օր այդ թեմայով հայտարարություններ ենք լսում ԱՄՆ-ից, եվրոպական մայրաքաղաքներից։ Այդ պատճառով հիմա շատ լարված մթնոլորտը պահպանվում է»,-հավելել է Պեսկովը:
Հիշեցնենք, որ ԱՄՆ-ն ավելի վաղ գրավոր պատասխանել էր ՌԴ անվտանգության երաշխքիներին՝ մերժելով հիմնական պահանջները։
Էմմա Չոբանյան
