23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԵՄ հանձնակատարը հանդիպել է Ալիևին․ կարևորվել է Հարավային գազային միջանցքի դերը Եվրոպայի էներգետիկ անվտանգության տեսակետից
Քաղաքականություն
04.02.2022 | 18:11
Ադրբեջանի նախագահ Իլհամ Ալիևն այսօր ընդունել է ԵՄ էներգետիկայի հարցերով հանձնակատար Քադրի Սիմսոնի գլխավորած պատվիրակությանը, որը մասնակցում է Բաքվում Հարավային գազային միջանցքի խորհրդատվական խորհրդի 8-րդ նախարարական նիստին։ Այս մասին գրում են ադրբեջանական լրատվամիջոցները։
Նշվում է, որ Սիմսոնը շնորհակալություն է հայտնել Ալիևին նախարարական 8-րդ նիստի անցկացման համար։ Նա խոսել է Հարավային գազային միջանցքի կարևորության մասին ԵՄ էներգետիկ անվտանգության ապահովման տեսակետից ու նշել, որ մեծ նշանակություն է տալիս Եվրամիության էներգամատակարարման դիվերսիֆիկացմանը, և այս առումով ընդգծում է Հարավային գազային միջանցքի կարևորությունը։
Հանդիպմանը տեղի է ունեցել մտքերի փոխանակում ԵՄ-ի և Ադրբեջանի միջև էներգետիկ, այդ թվում՝ կանաչ էներգիայի ոլորտում հարաբերությունների զարգացման վերաբերյալ։
Ալիևն իր հերթին նշել է, որ ԵՄ-ի և Ադրբեջանի միջև ռազմավարական գործընկերության նոր համաձայնագրի շուրջ բանակցությունները հաջող են ընթանում, և հույս է հայտնել, որ դրանք շուտով կավարտվեն։
Էմմա Չոբանյան
