29.07.2026 | 12:34
ՔՊ-ին սատարելու համար 61-ամյա քաղաքացուն թիրախավորած անձի գործն ուղարկվել է դատարան
Վրաստանի և Լեհաստանի նախագահներն իրենց համերաշխությունն են հայտնել Ուկրաինային
Քաղաքականություն
04.02.2022 | 22:55
Լեհաստանի և Վրաստանի նախագահները համերաշխություն են հայտնել Ուկրաինային՝ Ռուսաստանի հետ այդ երկրի լարվածության ֆոնին: Անջեյ Դուդան Չինաստանի մայրաքաղաք Պեկին մեկնելիս ժամանել է Վրաստանի մայրաքաղաք Թբիլիսի և հանդիպել նախագահ Սալոմե Զուրաբիշվիլիի հետ, գրում է Անադոլու գործակալությունը։
Թբիլիսիի միջազգային օդանավակայանում հանդիպման ժամանակ երկու երկրների ղեկավարները ռուս-ուկրաինական լարվածությանը նվիրված մամուլի ասուլիս են անցկացրել։
«Այս շատ լարված իրավիճակում Վրաստանի անունից ցանկանում եմ մեր լիակատար համերաշխությունը հայտնել մեր բարեկամ երկրին»,- ասել է Զուրաբիշվիլին։
Նշելով, որ առկա սպառնալիքներն իրականում սպառնում են ամբողջ Եվրոպայի անվտանգությանը, նա ասել է, որ Եվրոպայի անվտանգությունը նաև Վրաստանի անվտանգությունն է։
Իր հերթին, Լեհաստանի նախագահը նշել է այդ հարցի շուրջ իր հանդիպումների մասին աշխարհի այլ առաջնորդների հետ՝ հավելելով, որ սա ոչ միայն Եվրոպային, այլ աշխարհին հուզող խնդիր է։
«Մենք մեր համերաշխությունն ենք հայտնում (Ուկրաինային), անվտանգության հետ կապված բոլոր հարցերը մեզ համար շատ կարևոր են»,- հավելել է Անջեյ Դուդան։
Տաթև Ֆռանգյան
