18.07.2026 | 20:02
Հնդկաստանը տիեզերք է արձակել առաջին մասնավոր հրթիռը
Համբարձում Մաթևոսյանը՝ Վ. Բրյուսովի անվան պետհամալսարանի հոգաբարձուների խորհրդի նախագահ
Քաղաքականություն
04.02.2022 | 15:47
ՀՀ փոխվարչապետ Համբարձում Մաթևոսյանը ֆեյսբուքյան գրառմամբ տեղեկացրել է, որ ընտրվել է Վ. Բրյուսովի անվան պետական համալսարանի հոգաբարձուների խորհրդի նախագահ:
«Սիրելի՛ հայրենակիցներ,
Վ. Բրյուսովի անվան պետական համալսարանի հոգաբարձուների խորհրդի այսօրվա նիստում ընտրվեցի Խորհրդի նախագահ։
Շնորհակալ եմ Խորհրդի անդամներին այդ բարձր կարգավիճակը ինձ վստահելու համար։
Ելույթումս, անդրադառնալով հանրության որոշ շրջանակում առկա մտահոգություններին՝ Խորհրդում քաղաքական պաշտոն զբաղեցնող անձի ներգրավվածության վերաբերյալ, նշել եմ, որ այն պայմանավորված է գործող իրավակարգավորումներով, և, մինչև ոլորտը կարգավորող նոր օրենքի ընդունումը, որից հետո կբացառվի Կառավարման խորհրդում քաղաքական պաշտոն զբաղեցնող անձի ներգրավվածությունը, հավաստիացրել եմ՝ ես առաջին երաշխավորն եմ, որ Համալսարանի գործունեությունը լինելու է ապաքաղաքական։
Վստահեցնում եմ, որ անելու եմ առավելագույնը՝ Համալսարանի զարգացման ու որդեգրած տեսլականի իրականացման համար»։
