07.11.2024 | 12:40
Սպասելի չէր. Սրբուհի Գալյանը՝ արդարադատության նախարարի թեկնածու ընտրվելու մասին․ ՏԵՍԱՆՅՈՒԹ
ԵՄ-ն նոր պատժամիջոցներ է պատրաստել ՌԴ-ի դեմ՝ Ուկրաինա ներխուժելու դեպքում
Քաղաքականություն
04.02.2022 | 15:44
Եվրամիությունը Ռուսաստանի դեմ պատրաստել է «ֆինանսատնտեսական պատժամիջոցների զգալի և համապարփակ փաթեթ», որը կներկայացվի Ուկրաինա ներխուժելու դեպքում։ Այս մասին Եվրահանձնաժողովի նախագահ Ուրսուլա ֆոն դեր Լեյենը խոսել է գերմանական Handelsblatt պարբերականին և ֆրանսիական Les Echos-ին տված հարցազրույցում, գրում է DW-ի ռուսական ծառայությունը։
Փաթեթը ներառում է նաև «Հյուսիսային հոսք 2» գազատարի հետ կապված միջոցառումներ։ Ռուսաստանի ապագա վարքագծից է կախված՝ արդյո՞ք փաթեթը կգործարկվի թե ոչ, ասել է ֆոն դեր Լեյենը։
Եվրահանձնաժողովի ղեկավարը չի բացառել Ռուսաստանի նախագահ Վլադիմիր Պուտինի, ինչպես նաև նրա շրջապատի անձանց և Կրեմլի մերձավոր օլիգարխների դեմ տնտեսական պատժամիջոցները։ Բացի այդ, տույժերը վերաբերում են բաղադրիչներին, «որոնք Ռուսաստանը չի կարող հեշտությամբ փոխարինել», այդ թվում՝ արհեստական ինտելեկտի, զենքի, ինչպես նաև քվանտային համակարգիչների, լազերների և տիեզերական արդյունաբերության ոլորտում։
Տաթև Ֆռանգյան
