26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Էրդողանը հայտարարել է, որ Թուրքիան չի հարգելու ԵԽ-ի և ՄԻԵԴ-ի որոշումները Քավալայի գործի վերաբերյալ
Քաղաքականություն
03.02.2022 | 20:33
Թուրքիան չի հարգելու Եվրոպայի խորհրդին, եթե այն չի հարգում թուրքական դատարանները։ Այս մասին այսօր Ուկրաինա մեկնելուց առաջ հայտարարել է Թուրքիայի նախագահ Ռեջեփ Թայիփ Էրդողանը՝ պատասխանելով բարերար Օսման Քավալայի գործը Մարդու իրավունքների եվրոպական դատարան (ՄԻԵԴ) վերադարձնելու որոշման մասին հարցին, հաղորդում են թուրքական լրատվամիջոցները։
«Ես ասում եմ շատ պարզ ու հստակ՝ մենք չենք ճանաչի նրանց, ովքեր չեն ճանաչում մեր դատարանները։ Կա մեր դատարանների որոշումը, այդ դեպքում մեզ չի վերաբերում, թե ՄԻԵԴ-ը կամ ԵԽ-ն ինչ են ասում։ Մենք ակնկալում ենք, որ նրանք հարգեն մեր դատարանները։ Եթե նրանք հարգանք չցուցաբերեն մեր դատարանների նկատմամբ, մենք նույնպես չենք հարգի նրանց դատարանները»,- ասել է Էրդողանը։
Նշենք, որ փետրվարի 2-ին Եվրախորհրդի Նախարարների կոմիտեն որոշեց դիմել ՄԻԵԴ-ին այն հարցով, որ Թուրքիան խախտել է Մարդու իրավունքների եվրոպական կոնվենցիան՝ ազատ չարձակելով Քավալային։
Նշենք, որ թուրքական դատարանն Օսման Քավալային մեղադրում է 2016 թվականի ռազմական հեղաշրջման փորձի կազմակերպման մեջ։ Հենց նրա ձերբակալման պատճառով էր Անկարայի ու արևմտյան մի շարք երկրների միջև սկանդալ առաջացրել, երբ վերջիններս պահանջել էին ազատ արձակել Քավալային։
Էմմա Չոբանյան
