07.11.2024 | 12:45
100 հազար չսովորող ու չաշխատող երիտասարդներ ունենք՝ 18-29 տարեկան. Նարեկ Մկրտչյան․ ՏԵՍԱՆՅՈՒԹ
Ռուսաստանում դադարեցնում են Deutsche Welle-ի հեռարձակումը
Քաղաքականություն
03.02.2022 | 19:58
Մոսկվան դադարեցնում է Deutsche Welle-ի հեռարձակումը Ռուսաստանի տարածքում՝ ի պատասխան RT DE-ի աշխատանքի սահմանափակումների։ ՌԻԱ Նովոստիի հաղորդմամբ՝ այս մասին հայտնել են ՌԴ ԱԳՆ-ում։
«Փետրվարի 2-ին հայտարարված պատասխան միջոցառումների շրջանակում, ի պատասխան ԳԴՀ-ի անբարյացակամ գործողությունների՝ արգելելու գերմանալեզու RT DE հեռուստաալիքի արբանյակային և այլ հեռարձակումները, ռուսական կողմը մտադիր է իրականացնել պատասխան միջոցառումների առաջին փուլը»,- հայտնել են ՌԴ արտաքին քաղաքական գերատեսչությունից։
Նշվում է, որ նախարարւթյունը հետևյալ քայլերն է հայտարարել․ Մոսկվայում Deutsche Welle-ի գրասենյակի փակում, հեռուստառադիոկայանի ռուսական ծառայության բոլոր աշխատակիցների հավատարմագրման չեղարկում, Deutsche Welle-ի արբանյակային և այլ հեռարձակման դադարեցում, կազմակերպությունն օտարերկրյա գործակալ ճանաչելու գործընթացի մեկնարկ։
Տեղեկացվում է, որ հետագա քայլերը ևս կհրապարակվեն։
Տաթև Ֆռանգյան
