16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Facebook-ն առաջին անգամ կորցնում է օգտատերերին. մեղավոր է TikTok-ը
Քաղաքականություն
03.02.2022 | 23:31
Վերջին 18 տարիների ընթացքում առաջին անգամ Facebook-ը գրանցել է օրական օգտատերերի քանակի նվազում։ Ընկերության հիմնադիր Մարկ Ցուկերբերգն այս ամենի մեղավոր է համարում TikTok-ի բումը, գրում է Daily Mail-ը։
«Մարդիկ իրենց ժամանակն անցկացնելու շատ ընտրություն ունեն, և այնպիսի հավելվածները, ինչպիսին TikTok-ն է, շատ արագ են մեծանում»,- Washington Post-ի հաղորդմամբ՝ ասել է Ցուկերբերգը։
Նա կրկնել է, որ Meta ընկերությունը, որին պատկանում են Facebook-ը, Instagram-ը և WhatsApp-ը, մեծ ջանքեր է գործադրում զարգացնելու իր կարճ տեսաերիզների՝ Reels-ի ձևաչափը՝ փորձելով մրցակցել TikTok-ի հետ:
«Ահա թե ինչու մեր ուշադրության կենտրոնացումը Reels-ի վրա այդքան կարևոր է երկարաժամկետ հեռանկարում», – հավելել է նա:
Facebook-ը, որն այժմ ունի ամեն օր սոցցանց մուտք գործող 1,93 միլիարդ օգտատեր, չորեքշաբթի օրվա սակարկությունների ընթացքում գրանցել է բաժնետոմսերի 20%-ից ավելի անկում, քանի որ Metaverse նախագծի վրա անսպասելի մեծ ծախսերը հանգեցրել են ընկերության չորրորդ եռամսյակի շահույթի եզակի նվազման:
Meta-ի բաժնետոմսերը նվազել են 22,6 տոկոսով՝ հասնելով մինչև 249,90 դոլարի, ինչի հետևանքով ընկերության շուկայական արժեքը նվազել է մոտ 200 միլիարդ դոլար:
Տաթև Ֆռանգյան
