08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Ստամբուլ-Երևան առաջին չվերթն է տեղի ունեցել 2020թ. ի վեր․ ԼՈՒՍԱՆԿԱՐՆԵՐ
Տնտեսություն
03.02.2022 | 12:59
Հայաստանի և Թուրքիայի հարաբերությունների կարգավորման գործընթացի շրջանակում փոխադարձ չարտերային չվերթների թույլտվությունից հետո, նախօրեին տեղի են ունեցել 2020 թվականից վեր առաջին թռիչքները։
Երևանի «Զվարթնոց» օդանավակայանից Ստամբուլ է մեկնել 64 ուղևոր։ Ինքնաթիռը վայրէջք է կատարել Ստամբուլի «Սաբիհա Գյոքչեն» օդանավակայանում։
Թուրքական լրատվամիջոցների հաղորդմամբ էլ՝ «Pegasus Airlines» ավիաընկերության PC 550 չվերթի 99 ուղևոր, որոնց անձնագրի մշակումն ավարտվել է, ինքնաթիռ են նստել և ժամը 23.25-ին մեկնել Երևան։ Շուրջ 2 ժամ տևած թռիչքից հետո Pegasus ավիաընկերության ինքնաթիռը վայրէջք է կատարել Երևանի «Զվարթնոց» միջազգային օդանավակայանում։
Ըստ տարբեր տեղեկությունների՝ Ստամբուլից Երևան ժամանող ուղևորների ճնշող մեծամասնությունը տեղի հայերն են եղել։
Նշենք, որ Հայաստանի և Թուրքիայի միջև ուղիղ չվերթները դադարել էին 2020 թվականի սկզբին, այն բանից հետո, երբ թուրքական AtlasGlobal ավիաընկերությունը, որը շաբաթական մի քանի թռիչք էր իրականացնում դեպի Երևան, հայտարարել էր սնանկացման մասին։
Հիշեցնենք՝ Երևանն ու Անկարան հարաբերությունների կարգավորման երկխոսություն են սկսել, որի համար երկու երկրները նաև հատուկ բանագնացներ են նշանակել։ Նրանց առաջին հանդիպումը տեղի է ունեցել Մոսկվայում հունվարի 14-ին։
Էմմա Չոբանյան
